Ohin loron 19 fulan Junho tinan 2024 oras tuku 08h00, Presidente da Admimistração do CCLN Sr. Vidal de Jesus “ Riak Leman “ nebe akompanha husi Sua Excia Ministro ACLN Sr. Gil da Costa Monteiro “ Oan Sorru “ , Embaixadora Austrália Sra . Inês de Almeida no estrutura Administração CCLN simu Presidente Returned & Services League ‘ RSL Veterans Australia Sr. Aziz Gregory Melick ho Delegasaun iha Salaun Maubai CCLN
Iha Sorumutu ida ne’e Presidente CCLN hato’o Bem-vindo ba Sr. Presidente RSL ho Nia ekipa tomak nebe mai visita CCLN , Ami Kontenti simu ita Boot sira nia visita ida née hodi ita nia relasaun amizade entre veteranos Timor Leste ho Veteranos Australia forte liu tan , Ami veteranus no Povo Timor Geralmente sei iha kiak no mukit tamba nee Ami nafatin husu ita Boot sira nia apoio Mai Ami liu – liu iha proseu luta konaba dada Kadoras Mai Timor Leste para iha futuro povo Timor Leste nia Ekonomia Bele Lao diak.
Iha Sorin seluk , Sua Excia Ministro ACLN Sr. Gil da Costa Monteiro “ Oan Sorru “ hato’o Bem-vindo ba Sr. Presidente RSL ho Nia ekipa , Veteranos Timor Leste hahu halao kooperasaun ho Veteranos Australia iha Tinan 2014 , Ohin ita Boot hanesan Presidente RSL Veteranos Austrália nia Visita ida nee, ita bele hametin liu tan relasaun Veteranos Timor Leste ho Veteranos Austrália liu husi setor oioin .
Sua Excia hatutan tan katak Política IX Governo nia atu lori Kadoras Mai Timor Leste , tamba ne’e hanesan Membro Governo husu nafatin apoio Veteranos Austrália nian iha Prosesu luta ida ne’e .
Iha Sorin seluk , Presidente RSL Veterans Australia hátoo katak Ami kontenti mai iha Timor Leste, Povo Timor nia apoio mai Austrália iha 2ō Guerra Mundial Boot tebes, tamba nee Ami nafatin apoio ba Boot sira iha setor oioin , Espera ba oin ita Nia relasaun Amizades sei diak liu tan Futuru .
Comments are closed, but trackbacks and pingbacks are open.